Usa ka abogado ni Vice President Sara Duterte ang giingong nalambigit sa pag-leak sa pipila ka importanteng impormasyon kalabot sa impeachment batok sa bise presidente ug uban pa bugti sa dakong kantidad sa kuwarta.
Matod pa nga nagdumili sa pagpaila, ang nahisgutang abogado nanghatag og mga dokumento sa usa ka kongresista bugti sa dakong kantidad sa salapi.
Lakip sa mga dokumento nga gihatag niini mao ang kalambigitan sa nahitabong pagpanulis sa buhatan ni VP Sara sa Tondo, Manila; impormasyon kalabot sa nahimutangan ni Atty. Zuleika Lopez; inside information kalabot sa impeachment sa bise presidente ug usa ka video nga kuha sa Veterans Memorial Medical Center sa DDS vloggers, apil na sila si Tio Moreno ug kapulisan kalabot sa pagbalhin sa kapulisan ngadto kang Atty. Zuleika sa ubang dapit.
Sa pakighinabi sa maong abogado sa kongresista bahin sa presyo bugti sa impormasyon sa nahauna, makita nga dako ang iyang gipangayo.
Apan giingong niatras ang kongresista gumikan sa kadaghan sa impormasyon nga gipangayo sa abogado.
Kalabot niini, makita nga personal nga nakigtagbo ang abogado sa kongresista o sa iyang mga kawani alang sa gipangayo nga mga dokumento o ebidensya batok kang VP Sara
