GENERAL SANTOS CITY – Nakulangan si Atty Rey Cartojano sa mga banat ni Gensan mayor Lorelie Pacquiao atul sa una niini nga State of The City Address.
Usa sa gipangita ni Atty Cartojano nga wala mapresenta sa mayor ang medium to long term plan nniini sa syudad lakip ang plano sa ekonomiya hilabi na nga nailhan ang syudad nga Tuna Capital of the Philippines.
Hinuon adunay naapil nga usa ka grupo sa mananagat nga naapil sa presentasyon apan wala matud pa naplastar sa Mayor ang kaugmaon sa nahisgutang sektor luyo nga nagkahinay na ang maong industriya.
Naglaum pa kini nga ihan-ay ang problema sa pagpangisda luyo nga matag tuig kini nga ginahisgutan sa Tuna Congress. Usa sa gilantaw niini nga wala makahimo ang syudad ug figure nga posebli wala lamang matutukan.
Pakyas usab mahatagan ug katin-awan sa Mayor ang peace and order sa syudad nga dapat magpresenta ug historical figure sa kriminalidad aron masabtan sa publiko.
Panahon unta sa Mayor nga idiga ang daghang tabang niini sa kapulisan nga maghatag ug positibu nga feedback sa pagdumala sa syudad.
