GENERAL SANTOS CITY – Nagpaklaro si Atty. Teodoro Sales, usa sa mga abogado sa dakbayan sa pag-amienda ang balaod nga gihimong 16 anyos gikan sa 12 anyos nga makonsidera nga gilugos ang usa ka menor edad bisag miuyon pa sa pakighilawas.
Matud pa ni Atty. Sales nga ang tumong sa balaod nga mahatagan og proteksyon ang menor de edad nga mahimong biktima sa sexual abuse.
Gihimong ehemplo niini nga bisag menor de edad malambigit sa sexual activities gumikan sa kalisod kung asa may dakong epekto sa pagkatawo sa usa ka indibidwal .
Kahibaluan nga nakalatid sa Republic Act No. 116481, nga nag-amyenda sa Anti-Rape Act of 1997, nga makonsidera nga statutory rape kung ang usa ka anaa sa hustong edad nga nakighilawas sa nagpangidaron og 16 anyos.
Hinoon walay kriminal liability ang pakighilawas sa 16-anyos kung ang partner ang mas edaran og tulo ka tuig nga ilang gikasabutan og wala giabuso.
Hinoon dili exempted sa maong balaod kung ang biktima ang ubos sa 13 anyos.
