Subling gisiguro ni Department of the Interior and Local Government (DILG) Secretary Benhur Abalos nga padayon nilang gukdon ang wanted nga Pastor nga si Apollo Quiboloy og bisan ang gipalagpot nga mayor sa Bamban nga si Alice Guo aron panubagon sa balaud.
Gihimo sa kalihim ang maong pahayag atubangan sa mga magbabalaod isip tubag sa interpelasyon ni Kabataan Party-list Rep. Raoul Manuel.
Kin tungod napangutana sa magbabalaod nganong naglisod ang mga otoridad nga masikop si Quiboloy ug Guo apan kabaliktaran kini sa mga yahong tao lamang .
Gibutyag ni Abalos nga dakong personalidad man o gamay dili nila santuhon ug kini ilang pangitaon.
Gipasigarbo usab ni Abalos nga nakapasaka sila og kaso batok sa Kingdom of Jesus Christ human ang gipahigayong raid sa lugar.
Si Quiboloy nag-atubang sa patong-patong nga kaso partikular na sa paglapas sa Republic Act (RA) No.7610 o Special Protection of Children Against Abuse, Exploitation, and Discrimination Act, og bisan sa RA No. 9208 o Qualified Human Trafficking.
Nagpagawas na usab ang korte og warrant of arrest alang sa mga nasangpit nga kaso.
Padayon usab nilang gipangita karon si Alice Guo nga nalambigit usab sa mga ilegal nga aktibidad sa POGO sa nasud partikular sa ilang Bamban.
