-- ADVERTISEMENT --

Misaka sa P21.27 kada kilo ang farmgate price sa uga nga palay niadtong Oktubre 2026, base sa datos sa Philippine Statistics Authority o PSA.

Halos 34% kini nga mas taas kon itandi sa P15.89 kada kilo sa susamang bulan niadtong 2025.

Misaka usab kini gikan sa P20.84 kada kilo niadtong Septiyembre 2026.

Gipasabot sa PSA nga ang farmgate price mao ang kantidad nga nadawat sa mga mag-uuma gikan sa ilang ani sa mismong umahan, nga wala pa maapil ang gasto sa transportasyon ug uban pang bayranan sa pagbaligya.

Sa nagkalainlaing rehiyon, nagtala ang Calabarzon sa pinakadakong pagsaka sa farmgate price nga hapit 58% , gikan sa P12.26 ngadto sa P19.35 kada kilo.

-- ADVERTISEMENT --

Misunod ang Negros Island Region nga adunay 47% nga pagsaka, gikan sa P14.63 ngadto sa P21.51 kada kilo.

Una nang gipataas sa National Food Authority ang buying price sa palay ngadto sa P30 kada kilo, samtang gitugotan na usab ang mga mag-uuma nga makapalit og hangtod 500 ka sako matag cropping season.