Nagpakatag ang France og liboan ka mga pulis aron magpatuman og hugot nga seguridad atol sa mga bag-ong protesta sa nagkalainlaing bahin sa nasud tungod sa pondo alang sa mga eskwelahan ug pagsaka sa gasto sa panginabuhi.
Sumala kang Interior Minister Laurent Nunez, miabot na sa 135 ka tawo ang gidakop sa tibuok nasud atol sa mga demonstrasyon niadtong Oktubre 24, 2026.
Sa Paris, gilimitahan sa mga awtoridad ang ruta sa nag-unang martsa ngadto sa habagatan-sidlakang bahin sa kapital aron malikayan ang kagubot sa sentro sa siyudad.
Determinado ang mga awtoridad nga mapugngan ang pagbalik sa pagpangawat, pagsunog sa mga sakyanan ug pag-atake sa mga pampublikong bilding nga nahitabo atol sa miaging mga kagubot.
Samtang, liboan ka mga tawo ang nagpahigayon og rally sa Orleans, sa habagatan sa Paris, aron ipahayag ang ilang pagsupak sa mga grupong far-right, samtang gipahigayon sa National Rally party ni Marine Le Pen ang duha ka adlaw nga kongreso sa maong siyudad.
