GENSAN- Nagpahinumdom si Bing Velandria, mall manager ug usa usab ka blood donor, alang sa mga gustong moapil sa umaabot nga Dugong Bombo 2026 aron maseguro nga andam ug angayan ang ilang panglawas sa dili pa modonar og dugo.
Matod ni Velandria, kinahanglan nga motimbang og labing menos 50 kilos ang donor, himsog ang panglawas, igo ang tulog nga mokabat sa pito hangtod walo ka oras, nakapamahaw ug wala nakainom og makahubog nga ilimnon.
Kinahanglan usab nga ipahibalo sa health personnel kon adunay gina-inom nga tambal o laing kondisyon sa panglawas aron matino kon angayan ba silang modonar.
Giawhag usab ni Velandria ilabina ang mga first-time blood donor nga mosulay sa pagdonar, tungod kay dako kini og ikatabang sa mga pasyente ug sa ubang tawo nga nagkinahanglan og dugo.
Ipahigayon ang maong blood donation drive sa Nobyembre 14 sa Robinsons GenSan, gikan alas-6 sa buntag hangtod alas-5 sa hapon. Ang successful blood donors makadawat ug ‘specially designed’ dugong bombo t-shirt, vitamins, libreng hot meals og bottled water.
