Gidayeg ni Senador Robinhood “Robin” Padilla ang Chinese Ambassador sa Pilipinas nga si Jing Quan human sa ilang personal nga panagkita atol sa 2026 ASEAN Chinese Business Leaders Summit.
Sa usa ka post sa social media, nagpasalamat si Padilla sa Federation of Filipino-Chinese Chambers of Commerce and Industry, Inc. tungod sa pag-imbita kaniya sa maong kalihokan, nga naghatag kaniya og higayon nga personal nga makig-estorya sa representante sa China.
Gihulagway sa senador si Jing nga edukado, matinahuron ug prangka nga kaestorya, samtang gipasiugda ang kamahinungdanon sa personal nga panag-istoryahanay sa pag-atubang sa sensitibong mga isyu tali sa duha ka nasud.
Matod ni Padilla, makatabang ang personal nga dayalogo aron malikayan ang mga dili pagsinabtanay nga mahimong motumaw tungod sa pagbinayloay og mga pahayag nga dili makatabang sa pagkab-ot sa kalinaw ug kalamboan.
