Gipataas sa ‘state weather bureau’ ang ‘thunderstorm alert’ karong adlawa, Oktubre 19, nga mahimong magdala og sunod-sunod nga pag-ulan sa daghang lugar.
Dala niini ang mga panaludogkilat ug kusog nga hangin nga mahimong molungtad og duha ka oras o labaw pa.
Lakip sa mga posibleng maapektuhan ang mga probinsya sa Batangas, Cavite, Laguna, Quezon ug Rizal, ingon man ang pipila ka bahin sa National Capital Region o NCR.
Gipahimangnoan ang publiko nga bantayan ang kahimtang sa panahon, ilabi na ang mga nagpuyo sa ubos nga mga lugar, tungod sa posibilidad sa kalit nga pagbaha nga mahimong ipahinabo sa kusog nga pag-ulan.
Gawas sa ‘thunderstorm alert’, gipataas usab ang ‘flood warning’ sa duha ka rehiyon tungod sa Intertropical Convergence Zone o ITCZ ug easterlies.
Lakip sa mga lugar nga sakop sa maong pahimangno ang Pawalan sa MIMAROPA o Region 4-B, ug ang mga probinsya sa Northern Samar, Samar, Biliran, Leyte, Southern Leyte ug Eastern Samar sa Eastern Visayas o Region 8.
