Balay sa suspek sa pagpamusil sa eskwelahan sa Oregon, gisuyod sa mga otoridad

Gipahigayon na sa mga kapulisan ang pagsusi sa balay sa 16-anyos nga suspek nga namusil sa Silver Rail Elementary School sa Oregon.

Sa maong insidente, upat ang namatay, lakip ang tulo ka bata nga nag-edad og lima, walo ug onse anyos, ug usa ka magtutudlo.

Patay usab ang suspek human kini gipusil sa mga nakasaksi sa krimen.

Base sa inisyal nga imbestigasyon, ang pump-action shotgun nga gigamit sa suspek giregalo kaniya sa iyang inahan.

Atol sa pagsusi sa balay sa suspek, nakaistorya sa mga otoridad ang iyang mga ginikanan.

Gikompiska usab sa mga otoridad ang mga laptop ug cellphone nga gipanag-iya sa suspek aron masuta ang motibo niini sa pagpamusil.