Duha ka security guard ug tulo pa ang namatay human ang mga rebeldeng Houthi nagpabuto og lima ka missile sa presidential palace complex sa habagatang siyudad sa Aden sa Yemen niadtong Huwebes.
Matud ni Information Minister Moammar al-Eryani, luwas ug walay kadaot ang prime minister ug mga miyembro sa gabinete sa Yemen nga naa sa sulod sa Maashiq presidential palace sa panahon sa pag-atake.
Samtang gibutyag ni Yahya Saree, tigpamaba sa militar sa Houthi nga ang insidente kabahin sa ilang pormal nga palisiya sa tinuyo nga pag-target sa mga pagtukod sa militar sa Saudi bisan asa sila makit-an.
Gireport sa Houthi-run Saba news agency nga ang ilang giatake mao ang headquarters sa military operations sa mga opisyal sa Saudi Arabia uban ang depot sa mga armas sa sulod sa complex.
Nakadungog og kusog nga mga pagbuto ang mga saksi sa palibot sa palasyo samtang ang mga awtoridad nagpadayon sa pagmonitor sa seguridad sa tibuok rehiyon human sa pag-atake.
