-- ADVERTISEMENT --
Gipasalig sa Office of the Ombudsman nga patas ug walay pinalabi ang ilang imbestigasyon sa referral sa National Bureau of Investigation (NBI) kalabot sa giingong kakulang sa deklarasyon sa Statement of Assets, Liabilities and Net Worth (SALN) ni Vice President Sara Duterte.
Matod sa Ombudsman, nadawat na nila ang referral gikan sa NBI ug gipasaligan ang publiko nga susihon nila ang maong kaso nga walay impluwensiya sa politika.
Moagi una sa inisyal nga ebalwasyon ang maong referral aron matino ang angay nga sunod nga lakang, lakip na ang mas lawom nga imbestigasyon kon gikinahanglan.
Kahinomdoman nga niadtong Martes, gipasa sa NBI ngadto sa Ombudsman ang ilang fact-finding investigation report kalabot sa SALN ni Duterte.
