Gipadayag sa aktres nga si Anne Curtis ang iyang tinguha nga makadugang pa og usa ka anak aron mahimong manghod sa iyang anak nga si Dahlia Amelie.
Miuyon si Anne sa pahayag nga importante ang pagtrabaho aron makatigom og kuwarta ug masiguro ang maayong kaugmaon sa pamilya, apan gipunting niya nga usa usab sa iyang mga pangandoy ang makabaton pa og usa ka anak.
Matod sa aktres, naglaum siya nga itugot sa Ginoo ang iyang pangandoy nga makadugang pa sa ilang pamilya.
Kahinumduman nga naminyo si Anne kang Erwan Heussaff ug nanganak sila sa ilang unang anak nga si Dahlia Amelie niadtong 2020.
Kanunay nga gipaambit sa magtiayon sa social media ang mga nindot nga higayon sa ilang anak, lakip na ang iyang mga leksiyon sa pagkanta ug pagsulay og ‘surfing’.
Nagsugod na usab og Grade 1 si Dahlia niadtong Septyembre.
