ACAMP, temporaryong mosuspinde sa tanang kalihokan sugod Oktubre 30 hangtod Nobyembre 4

GENSAN-Gipahibalo sa lokal nga panggamhanan nga temporaryong masuspende ang tanang kalihokan sa Antonio C. Acharon Memorial Park o ACAMP sa General Santos City sugod Oktubre 30, Biyernes, hangtod Nobyembre 4, Miyerkules.

Base sa gipagawas nga pahibalo, may kalabotan kini sa pagpangandam ug mga operasyon sa sementeryo alang sa pagsaulog sa Adlaw sa mga Santos ug Adlaw sa mga Kalag.

Lakip sa maong suspensiyon ang tanang paglubong ug uban pang kalihokan sulod sa maong sementeryo.

Gipahibalo ang publiko nga hinumdoman ang maong iskedyul sa dili pa magplano og paglubong o uban pang kalihokan sa ACAMP.

Mobalik ang naandang operasyon human sa maong temporaryong suspensiyon, subay sa sunod nga pahibalo sa hingtungdang mga otoridad.