Napakyas na usab si Filipina tennis star Alex Eala sa iyang kampanya sa Wuhan Open human mapildi sila sa iyang Turkish partner nga si Zeynep Sonmez sa women’s doubles karong Martes sa gabii.
Napildi ang Filipino-Turkish tandem batok sa wildcard pair nga sila Anhelina Kalinina ug Dayana Yastremska sa iskor nga 2-6 ug 3-6.
Sa unang set, nakalamang dayon ang Ukrainian pair sa iskor nga 4-0. Misulay og bawi sila Eala ug Sonmez pinaagi sa pagkuha sa sunod nga duwa, apan wala nila mapugngi ang paglamang sa ilang mga kontra nga midaog sa set, 6-2.
Wala usab nakabawi ang Filipino-Turkish tandem sa ikaduhang set, diin napildi sila sa iskor nga 3-6.
Tungod niini, natapos na ang kampanya ni Eala sa Wuhan Open human usab sa iyang pagkapildi sa singles event batok sa Chinese player nga si Han Shi.
Sunod nang tutokan ni Eala ang Ningbo Open nga ipahigayon usab sa China gikan Oktubre 19 hangtod 25.
