Nagpadayon ang pagpangita sa 11 ka mga tripulante sa Black Sea human gipabuthan ang duha ka barkong pang-merkado duol sa baybayon sa Bulgaria kagahapong adlawa
Gi-konektar ni Bulgarian Prime Minister Rumen Radev ang insidente sa nagpadayon nga panagbangi tali sa Ukraine ug Russia; gipatawag niya ang embahador sa Russia human niya gipahayag nga ang mga drone sa Russia maoy miigo sa duha ka barko.
Matod ni Radev, tulo ka Russian aerial drone ang miigo sa Chelsea usa ka Ukranian-owned cargo ship ug adunay 15 ka tripulante nga daling naluwas sa mga team nga mitubag sa insidente.
Gi-target usab ang HS Dignity, usa ka Guinea-Bissau cargo vessel ug padulong unta sa pantalan sa Braila sa Romania. Lima ka tawo ang naluwas gikan sa maong barko, apan 11 ka tripulante ang nagpabiling nawala.
Ang North Atlantic Treaty Organization (NATO), ang European Union (EU), ug ang mga gobyerno sa Ukraine ug Bulgaria nagpabiling alerto bahin sa nag-ung-ong nga mga peligro sa Black Sea tungod sa gubat tali sa Ukraine ug Russia.
Sa miaging 12 ka bulan, kapin sa 45 ka barkong pang-komersyo ang gikatahong giatake sa Black Sea, sumala sa grupo sa maritime risk management nga Ambrey.
