Kapin 20 samdan sa pagbuto sa Northern Israel

Labing menos 20 ka tawo ang nasamdan sa pagbuto sa Ramim Ridge sa amihanang Israel niadtong Lunes, Oktubre 12.

Sumala sa non-profit emergency medical services sa Israel, ang Magen David Adom (MDA), ang pagbuto gitaho duol sa utlanan sa Lebanon.

Ang mga biktima mga estudyante ug magtutudlo nga nag-field trip sa Pe’er observation point, duol sa lugar sa pagbuto.

Duha ang nalista nga anaa sa kritikal nga kondisyon samtang tulo ang nakaangkon og kasarangan nga mga samad. Ang nahabilin nga 15 anaa karon sa lig-on nga kondisyon, sumala sa MDA.

Ang mga awtoridad karon nag-imbestiga ug nagtino sa hinungdan sa pagbuto.