Makaatbang si Pinay tennis star Alex Eala og pipila ka pamilyar nga mga kontra sa Wuhan Open.
Human sa draw kagahapon, Sabado, adunay posibilidad nga mag-atubang sila ni Filipino-Canadian tennis star Leylah Fernandez ug world number 3 Jessica Pegula.
Bag-o lang nakigkompetensya si Eala sa WTA 1000 isip 13th seed ug naghulat pa sa iyang makaatbang sa unang round sa torneyo.
Nahimutang si Eala sa Section 4, diin posible niyang makalaban si Fernandez kung modaog kini batok kang Ekaterina Alexandrova.
Nag-atubang na kaniadto sila Eala ug Fernandez sa Round of 16 sa Mubadala DC Open, diin midaog si Eala pinaagi sa iskor nga 6-2, 7-6(1).
Posible usab nga maatubang ni Eala sa ikatulong round sa torneyo ang American tennis star nga si Pegula, nga nahimutang sa seed number 2.
Parehas nga adunay usa ka daog ug usa ka pildi sila Eala ug Pegula sa duha ka higayon nga nag-atubang sila kaniadto.
