GENSAN- Gipahimangnoan ni Dr. Bong Dacera, department head sa City Disaster Risk Reduction and Management Office kon CDRRMO, ang publiko nga mag-amping sa panglawas tungod sa dugay nga hulaw ug kakulang sa pag-ulan nga dala sa Super El Niño.
Sumala kang Dacera, usa sa posibleng epekto niini mao ang peligro sa panglawas sa tawo, ilabi na kon dugay nga ma-expose sa direktang sinag sa adlaw.
Gipahimangnoan niya ang katawhan nga likayan ang dugay nga pagpabilin ilawom sa init sa adlaw aron malikayan ang mga problema sa panglawas nga may kalabotan sa taas nga temperatura.
Giawhag usab niya ang mga residente nga likayan una ang mga lakaw nga dili importante ug magpabilin na lamang sa ilang mga panimalay kon mahimo.
Dugang pa ni Dacera, importante ang pag-amping ug pagpanalipod sa kaugalingon batok sa grabeng kainit samtang nagpadayon ang epekto sa Super El Niño.
