-- ADVERTISEMENT --
Gipahayag ni defense spokesperson Atty. Michael Poa nga ilang gitahod ang desisyon sa House prosecution nga dili na ipadayon ang Article III sa impeachment complaint batok kang Vice President Sara Duterte, nga naghisgot sa giingong pagpanghatag og suborno.
Sumala kang Poa, katungod sa prosecution ang pagdesisyon kon ipadayon ba o biyaan ang usa ka artikulo sa impeachment complaint.
Sa dihang gipangutana kon mahimo bang isipon kini nga “small win” o gamay nga kadaugan alang sa depensa, midumili si Poa nga tawgon kini nga kadaugan.
Matod niya, dili nila gustong angkonon ang bisan unsang kredito niini tungod kay desisyon lamang kini sa prosecution nga biyaan ang maong artikulo.
