Hugot nga gikondena sa International Criminal Court (ICC) ang pagpahamtang sa Estados Unidos og ‘sanctions’ batok kanila.
Sumala kang ICC President Tomoko Akane, dili madawat ang maong ‘sanctions’ tungod kay independente ug subay sa balaod ang ilang gihimong imbestigasyon.
Isip usa usab ka huwes sa ICC, gipasalig ni Akane nga walay motibong politikal ang ilang imbestigasyon.
Gipatin-aw niya nga ang ilang imbestigasyon gibase sa mga ebidensya.
Giisip usab niya nga pag-atake kini batok sa mga biktima sa pagpanglupig tungod sa politika.
Gipasalig ni Akane nga dili sila mahadlok sa bisan unsang hulga gikan sa Estados Unidos, lakip na ang pagpahamtang og ‘sanctions’.
Mahinumdoman nga nagpahamtang ang Estados Unidos og ‘sanctions’ batok sa ICC tungod sa pagsang-at og kaso batok sa pipila ka Amerikano, bisan pa man nga dili na miyembro sa maong korte ang nasud.
