Anaa na sa China ang Pinay tennis star nga si Alex Eala alang sa iyang pag-apil sa Wuhan Open.
Ang maong torneyo maoy iyang pagbalik sa Women’s Tennis Association (WTA) Tour.
Ang world number 18 nga si Eala gilauman nga mahimong ika-13 nga seed sa WTA 1000 tournament.
Gilauman nga makaatbang niya ang pipila sa dagkong ngalan sa tennis sama nila Aryna Sabalenka, Jessica Pegula, Mirra Andreeva, Linda Noskova ug Elina Svitolina.
Magsugod karong Oktubre 10 ang singles draw, samtang Oktubre 12 magsugod ang main draw sa torneyo.
Namatikdan nga wala makaapil si Eala sa China Open aron hatagan og prayoridad ang iyang pagsalmot sa Asian Games, diin nakadaog siya og bronze medal.
Ang iyang kataposang pag-apil sa WTA Tour mao ang Singapore Open, diin kutob lamang siya sa ikaduhang round.
