Nagpasidaan ang Philippine National Police o PNP batok sa mga nagpakaylap og peke nga balita nga mahimong makahatag og kahadlok sa publiko.
Matud ni PCol. Allen Rae Co, hepe sa Public Information Office sa PNP, nagpatuman na sila og imbestigasyon kalabot sa maong isyu.
Nanawagan usab siya sa mga miyembro sa media nga magmatngon sa pagpaambit og impormasyon ug siguruhong masusi pag-ayo ang mga detalye sa dili pa kini ipagawas ngadto sa publiko.
Gipasabot ni Co nga dili sila magduha-duha sa pagsang-at og kaso batok sa mga responsable sa pagpakaylap og bakak nga impormasyon.
Una nang gibatikos ang pagpakaylap sa pipila ka miyembro sa media sa impormasyon nga adunay giingong nahitabong mass shooting sa usa ka eskwelahan sa Cavite, nga sa ulahi napamatud-ang walay kamatuoran.
