Gipadayag ni Senator-Judge Allan Peter Cayetano ang posibilidad nga adunay pamulitika o pag-impluwensya sa impeachment proceedings.
Matod ni Cayetano, dili aksidente ang pagkakulong nila Sen. Jinggoy Estrada ug Sen. Rodante Marcoleta, ingon man ang pagkawala ni Sen. Ronald Dela Rosa.
Giinsistir sa magbabalaod nga adunay “realpolitik” nga nagakahitabo sa proceedings.
Dugang pa niya, dili usab aksidente nga ang mga senator-judge nga wala na karon sa proceedings kay gikan sa opposition.
Samtang, mipabor si Sen. Erwin Tulfo nga tukmang panahon na aron balikan o repasuhon ang 2/3 voting threshold nga gikinahanglan alang sa conviction sa usa ka impeachable official.
Matod ni Tulfo, daghan na ang mga kausaban sukad nagsugod ang impeachment trial busa angay nang ikonsiderar sa impeachment court ang mga nahitabo, lakip na ang pagkakulong sa pipila ka senator-judge.
Dugang pa ni Tulfo, daghan na sa mga miyembro sa korte ang dili makatambong sa proceedings, nga matod niya angay usab ikonsiderar samtang nagpadayon ang pagtaral.
