Gipangayo sa Trade Union Congress of the Philippines o TUCP ang klaro ug walay pagduhaduha nga direktiba gikan sa Department of Labor and Employment o DOLE kabahin sa bag-ong P60 nga wage increase sa mga minimum wage earners sa National Capital Region o NCR.
Giaprubahan sa Regional Tripartite Wages and Productivity Board-NCR ang Wage Order No. 28 nga magpataas sa minimum wage sa non-agricultural workers gikan P695 ngadto P755, nga gikatakdang ipatuman sa Septiyembre 26 o 27.
Ang bag-ong wage order lahi pa sa P85 nga wage increase ubos sa Wage Order No. 27 nga dapat unta ipatuman niadtong Hulyo 25 apan napugngan human gikontra sa mga pribadong kompanya ug gi-isyu sa korte ang ‘injunction’ batok sa implementasyon niini.
Gikwestyon sa TUCP kung ang Wage Order No. 28 ba ang mopuli sa Wage Order No. 27 ug kung transitional measure lamang ba kini samtang temporaryong napugngan ang naunang wage order.
Matud sa grupo, nag-atubang ang mga trabahante og gibanabanang P3,000 nga natigom nga backpay sukad Hulyo 25 ug gikuwestiyon usab niini ang giingong kakulang sa public participation, consultation ug deliberation sa pag-apruba sa bag-ong wage order.
Nagpasidaan ang TUCP nga kung magpadayon ang kaklaro sa gobyerno, posible nga mosamot ang kasuko sa mga trabahante ug mosangpot sa mas dagko ug malungtarong mga protesta.
