Russia, gisugdan ang airstrike sa Ukraine human sa pipila ka adlaw nga tigpahunong sa panagbangi

Gisugdan pag-usab sa Russia ang airstrike batok sa Ukraine.

Sa pinakabag-ong pag-atake sa Russia sa Kyiv, duha ka tawo ang namatay.

Sumala sa Ukraine Air Force, ilang napukan ang 142 ka drone, 31 sa 32 ka cruise missiles ug duha ka ballistic missiles.

Ang maong pag-atake sa Russia nakapahinabo og kadaot sa mga lugar sa Darnytskyi, Holosiivskyi, Podilskyi, Shevchenkivskyi ug Solomianskyi districts.

Kahinumdoman nga nagpatuman ang duha ka nasod og tulo ka adlaw nga ceasefire tungod sa pagbisita sa US envoy nga naningkamot sa pagpalambo sa kasabutan alang sa permanenteng tigpahunong sa panagbangi.