1 ka Filipino gikatahong missing sa nahitabong pagbaha sa Nepal

Usa ka Pilipino ang gikatahong missing human sa pag-igo sa pagbaha sa Nepal.

Sumala sa Nepal Tourism Board, ang maong Pilipino apil sa 644 ka tawo nga gikataho nga missing.

Padayon ang pagpangita sa mga otoridad aron hingpit nga masubay ug makit-an ang mga gikatahong missing.

Nahitabo ang pagbaha sa Bhote, Koshi ug Trishuli River sa Rasuwa, Nuwakot, Dhading og Gorkha pasado alas-8:30 sa gabii niadtong Agosto 26.

Sa maong insidente, kapin 300 na ka tawo ang gikataho nga namatay.

Nagpadala usab ang ubang mga nasod og ilang mga rescue team aron mapadali ang pagpangita sa gikataho nga missing.