Makig-atubang ang Filipino tennis ace nga si Alexandra “Alex” Eala sa iyang suod nga higala ug kapwa WTA Tour player nga si Iva Jovic sa “Stars of the Open” exhibition match sa US Open.
Pagahimoon ang maong duwa sa Arthur Ashe Stadium sa Flushing Meadows, New York, alas-6 sa gabii karong Huwebes, Agosto 27, oras sa New York, o alas-6 sa buntag karong Biyernes, Agosto 28, oras sa Pilipinas.
Mao na kini ang katapusang duwa ni Eala sa dili pa magsugod ang singles main draw sa US Open, nga gikatakdang ipahigayon gikan Agosto 30 hangtod Setyembre 13.
Una nang misalmot si Eala sa mixed doubles kauban si Felix Auger-Aliassime niadtong Martes sa gabii.
Apan napildi ang Filipino-Canadian tandem kontra sa Ukrainian nga magtiayon nga sila Elina Svitolina ug Frenchman nga si Gael Monfils, 1-4, 1-4, sa unang hugna sa kompetisyon.
