Labing menos 22 ka tawo ang kumpirmadong patay ug mga 384 ang nawala pa human sa dakong baha nga miigo sa amihanang Nepal ug sa utlanan sa Tibet kagahapong adlawa , Agosto 26.
Sumala sa mga opisyal nga report, ang trahedya nagsugod sa dihang ang linog nga may gikusgon nga 4.4 nagpahinabog dakong landslide. Ang landslide ug dagkong mga bato nakababag sa natural nga pag-agos sa tubig sa Bhote Koshi River duol sa utlanan sa Tibet.
Sa dihang nahugno na ang dam, usa ka dakong gidaghanon sa tubig ug lapok ang dali nga midagayday padulong sa duol nga mga komunidad sa daplin sa suba.
Lakip sa mga nawala mao ang gatusan ka lokal nga residente, mga langyaw nga turista, ug pipila ka mga miyembro sa pwersa sa seguridad human gibanlas sa baha ang ilang outpost. Kini usab ang hinungdan sa kaylap nga pagkawala sa kuryente sa duol nga mga distrito human naguba ang mga dagkong dalan, tulay, ug mga planta sa hydropower.
Ang Nepal Army karon nagpahigayon og halapad nga mga operasyon sa pagpangita ug pagluwas kauban ang mga emergency response team gamit ang mga helikopter ug espesyal nga kagamitan.
Ang tanan nga mga komunidad sa daplin sa suba anaa usab sa taas nga alerto samtang ang mga awtoridad nagpadayon sa pagmonitor sa pag-agos sa tubig gikan sa utlanan.
