Gipaningkamotan pag-usab sa Department of Justice ang ilang legal nga lakang sa pagsang-at og mga criminal case batok kang Vice President Sara Duterte sa korte.
Gipadayag ni DOJ Spokesperson Atty. Polo Martinez nga adunay “prima facie evidence” o igo ug lig-on nga ebidensya ang prosekusyon aron ipadayon ang kaso ug ipasaka kini sa proseso sa korte.
Gibarugan ni Martinez nga mandato sa departamento ang pagsang-at sa angay nga kaso kung matino sa mga prosecutor nga igo ang mga ebidensya batok sa usa ka gireklamo.
Matud pa, pormal nang gipasakaan sa DOJ ang Bise Presidente og tulo ka ihap sa kasong “grave threats” sa Quezon City Regional Trial Court o QC RTC.
Gikan kini sa hayag nga pagpanghulga sa Bise Presidente sa kinabuhi nila ni Pangulong Ferdinand “Bongbong” Marcos Jr., First Lady Liza Araneta-Marcos, ug kanhi House Speaker Martin Romualdez.
Niadtong Agosto 25, gipahigayon sa QC RTC ang oral arguments alang sa mosyon ug manifestation nga gisumite sa kampo sa Bise Presidente, diin gihangyo niini nga i-dismiss na lamang ang kaso ug pugngan ang pagpagawas og warrant of arrest batok kaniya.
Bisan pa niini, nagpabiling lig-on ang DOJ sa ilang posisyon nga igo ug lig-on ang ilang mga ebidensya aron ipadayon ang kaso sa korte.
