Nagkainitay og panagsinultihan sila Senator-Judge Robin Padilla ug private prosecutor Atty. Mae Divinagracia sa pagpadayon sa impeachment trial kalabot sa isyu sa paggamit sa mga alyas.
Sa iyang pagpangutana, gihisgutan ni Padilla ang pipila ka alyas nga gigamit sa mga bayani sa Katipunan sama sa “Dimasalang,” “Siling Labuyo,” “Maypag-asa,” “Magtalo,” ug “Leon Kilat.”
Gitandi usab niya kini sa paggamit og mga alyas sa mga miyembro sa New People’s Army o NPA, nga matod pa niya importante aron mapabiling kompidensyal ang ilang pagkatawo ug mga lihok taliwala sa armadong panagbangi.
Giinsistir usab ni Divinagracia nga dili na angay himuong isyu ang paggamit sa alyas tungod kay dili man kini ang nangunang isyu nga gihusay sa impeachment court.
Wala kini giuyonan ni Padilla, diin iyang gipadayag nga importante nga mahisgutan ang paggamit sa mga alyas tungod kay kabahin kini sa isyu sa pagkatawo ug pagpreserbar sa pagka-kompidensyal.
Misupak usab ang prosekusyon ug misumiter og objection human gihisgutan ni Padilla ang ngalan nga “Marcelino Bonifacio,” nga giingon sa senador nga alyas matod pa sa namatay nang kanhi senador nga si Benigno “Ninoy” Aquino Jr.
