-- ADVERTISEMENT --
Dili moubos sa upat ka bagyo ang posibleng mosulod sa Philippine Area of Responsibility (PAR) gikan sa Septyembre hangtod Disyembre karong tuiga.
Sumala sa Pagasa, sa Septyembre wala pay nakita nga bagyo nga posibleng mo-landfall sa nasud.
Aduna usab posibilidad nga mahimong super typhoon ang pipila sa mga bagyong mosulod sa Pilipinas.
Samtang, tungod sa gipaabot nga pagsulod sa El Niño sa ulahing bahin sa 2026, posible nga mas molig-on ang mga bagyo ilabina sa Septyembre ug Oktubre.
Gihimo nga pananglitan sa Pagasa ang nahitabo niadtong 2023, diin pito sa 11 ka bagyo nga misulod sa PAR ang nahimong super typhoon.
