Ginatun-an na sa Department of Labor and Employment (DOLE) ang mga polisiya alang sa mga delivery rider, nga giila nga naghatag og importante nga serbisyo sa publiko, ilabi na panahon sa daotang panahon.
May kalabotan kini sa diskusyon ni DOLE Secretary Francis Tolentino bahin sa mga empleyadong naapektuhan sa habagat ug mga bagyo niaging semana.
Matod ni Tolentino, wala pay klarong polisiya sa labor ang ahensya alang sa mga delivery rider, tungod kay wala pa man kini nga matang sa trabaho sa panahon nga gimugna ang Labor Code niadtong 1974.
Gipadayag usab niya nga ilang gitan-aw ang posibilidad sa paghatag og dugang nga bayad alang sa mga rider nga nagtrabaho sa kagabhion, lakip na ang hazard pay.
Gipahinumdoman usab ang mga empleyadong nakaangkon og kadaot nga may kalabotan sa trabaho o naaksidente tungod sa daotang panahon nga posible silang makadawat og mga benepisyo ubos sa Employees’ Compensation Program sa Employees’ Compensation Commission o ECC.
