Nalabwan sa usa ka robot ang record sa pagdagan ni Usain Bolt sa 100-meter sprint.
Sa gipahigayon nga World Humanoid Robot Games sa China, nakarekord ang robot og 9.39 seconds sa maong event.
Mas paspas kini kumpara sa rekord sa eight-time Olympic gold medalist nga si Bolt nga iyang nahimo niadtong 2009, diin nakarekord siya og 9.58 seconds sa 100 meters.
Ang maong robot gihimo sa Beijing Innovation Centre of Humanoid Robotics ug ginganlan kini og “Lightning.”
Nasa 2,000 ka robots gikan sa 16 ka nasod ang miapil sa nagkalain-laing kompetisyon nga gihimo sa dagkong tech companies sa tibuok kalibotan.
Sa maong lumba, napildi niini ang laing robot nga gihimo usab sa China.
Lakip sa mga event sa robot games ang boxing ug football.
Apil usab niini ang pipila ka buluhaton sa balay sama sa pagpilo sa mga sinina.
