Daghang tawo ang nasamdan human mosulod ang usa ka armadong tawo nga adunay espada sa usa ka high school sa Fagersta, sentral nga bahin sa Sweden.
Sumala sa mga awtoridad, nahitabo ang insidente sa Brinellskolan School niadtong Biyernes, diin nasamdan ang daghang tawo tungod sa pag-atake.
Nasikop na usab sa kapulisan ang gisuspetsahang naghimo sa pag-atake.
Matud sa Swedish police, nakadawat sila og tawag kabahin sa nagpadayong seryosong kapintasan sulod sa usa ka eskwelahan sa Fagersta, hinungdan nga dinalian silang miresponde sa lugar.
Wala pa gipadayag sa mga awtoridad ang eksaktong gidaghanon sa mga nasamdan, samtang nagpadayon ang pagsusi sa kapulisan sa sulod sa eskwelahan ug sa ubang posibleng ebidensya, lakip ang CCTV footage.
Gipabalik usab sa mga awtoridad ang mga estudyante sa ubang eskwelahan sa maong lugar ug gipahigayon ang lockdown isip dugang nga lakang sa seguridad.
