Miabot na sa 29 ang ihap sa mga indibidwal nga kumpirmadong namatay tungod sa mga kalamidad, sumala sa National Disaster Risk Reduction and Management Council o NDRRMC.
Lakip sa mga hinungdan sa ilang pagkamatay mao ang pagkakuryente, pagkalumos atol sa kusog nga pagbaha, natabunan sa mga nagdahili nga yuta, estruktura, ug mga kahoy.
Gawas sa mga namatay, padayon usab nga gipangita ang tulo ka indibidwal nga pipila na ka adlaw nang gikataho nga nawala.
Misaka na usab sa 19 ka indibidwal ang natala nga nasamdan.
Sa pagkakaron, mokabat na sa 6.5 milyon ka indibidwal ang natala nga naapektuhan sa sunod-sunod nga mga kalamidad, nga bugti sa 1.8 milyon ka pamilya.
Ang mga naapektuhan gikan sa 11 ka rehiyon sa nasod.
Misaka na usab sa P4.66 bilyon ang gibanabanang kadaot sa imprastraktura, samtang miabot sa P1.42 bilyon ang kadaot sa sektor sa agrikultura. Apan padayon pa gihapon nga gisusi ang tinuod nga kadak-on sa kadaot sa duha ka maong sektor.
Ang maong damage report gibase lamang sa epekto sa nagpadayong Habagat, Bagyong Luis, ug Bagyong Maymay, samtang naghulga usab ang laing maot nga panahon nga anaa sa gawas sa nasod.
