Gipangunahan sa Department of Education (DepEd) ang nationwide school safety drill sa umaabot nga Agosto 25.
Ang maong lakang gisundan sa nahitabong pagpamusil sulod sa usa ka eskwelahan sa Zamboanga.
Tumong niini nga mapalig-on ang seguridad ug dali nga mapugngan ang bisan unsang insidente sulod sa mga eskwelahan.
Una nang gipahayag ni Palace Press Officer Claire Castro nga tungod sa maong insidente, gusto nilang susihon pag-usab ang kahimtang sa seguridad ug ang kasamtangang mga restriksyon nga gipatuman sa mga eskwelahan.
Matud pa niya, pinaagi niini makita kung unsa pa ang kinahanglan usbon o dugangan sa kasamtangang mga lakang alang sa pagseguro sa mga eskwelahan.
Andam usab sila, matud pa, nga maghatag og dugang pondo aron mapalig-on pa ang security operations sa mga eskwelahan.
