Kapin sa 200,000 ka mga balay nawad-an og kuryente tungod sa Hurricane Lala sa Hawaii

Kapin 200,000 ka utility customers sa Hawaii ang nawad-an og kuryente kgahapong adlawa, tungod sa paghapak sa Hurricane Lala sa Big Island.

Base sa taho miabot sa 219,000 ka customers sa tibuok Hawaii ang walay suplay sa kuryente.

Sa Oahu, mikunhod ngadto sa 130,000 gikan sa 220,000 ang mga residenteng nawad-an og kuryente.

Samtang, 100 ka mga balay ang gikatahong nadaot, sumala ni Hawaii Governor Josh Green.

Ang Hurricane Lala naglihok paingon sa west-northwest sa gikusgon nga 26 kilometros matag oras, uban ang hangin nga moabot sa 105 kilometros matag oras.

Mas ubos na kini sa 117 kilometros matag oras nga gikinahanglang kusog sa hangin aron matawag nga hurricane.

Bisan pa niini, nagpabilin ang tropical storm warning sa Maui, Oahu ug Kauai.