Gikoronahan si Angelica Lopez sa Palawan isip Reina Filipinas Grand International 2026 sa unang grand coronation night sa maong pageant nga gipahigayon niadtong Biyernes.
Si Lopez ang mahimong representante sa Pilipinas sa Miss Grand International 2026, isip puli kang Emma Mary Tiglao.
Napildi ni Lopez ang 20 pa ka kandidata gikan sa nagkalain-laing bahin sa nasod aron makuha ang titulo.
Nakuha usab ni Cleopatra Barrera sa Zambales ang first runner-up, samtang second runner-up si Isabella Ortega sa Camarines Sur.
Gi-ila usab isip third runner-up si Zeah Nestle Pala sa Mandaluyong, samtang fourth runner-up si Luisa Benavides sa Caloocan.
Samtang, gipili sila Anne Patricia Diaz sa Maynila ug Alexie Caimoso Brooks sa Iloilo City isip mga representante sa Pilipinas sa sunod nga edisyon sa MGI All Stars human nila makuha ang Reina Filipinas MGI All Stars titles.
Gipili ang mga mananaog base sa hiniusang puntos gikan sa panel of judges ug sa mga boto sa publiko.
Lakip sa mga hurado si internationally acclaimed Filipino designer Michael Cinco, Miss Grand International 2024 nga si CJ Opiaza, inaugural MGI All Stars winner nga si Vanessa Pulgarin sa Colombia, ug first runner-up sa MGI All Stars nga si Nguyen Huong Giang sa Vietnam
