Gipaklaro ni Xavier Bayan ang pipila ka mga rason nganong nakapahinumdom ang Commission on Audit (COA) sa mga giingong irregularidad sa proseso sa paggamit sa confidential funds sa Office of the Vice President (OVP) sa panahon ni VP Sara Duterte.
Matud ni Atty. Bayan, base sa mga nahisgutan sa impeachment proceedings, daghan ug kakulangan ang nakita sa dokumentasyon ug sa pagsunod sa mga gikinahanglang proseso sa paggamit sa maong pondo.
Bisan pa niini, naglaom si Atty. Bayan nga mahatagan og igo nga katin-awan ug mapangatarunganan kini sa kampo ni Vice President Sara Duterte atol sa pagpadayon sa impeachment trial.
Padayon sa pagkakaron ang presentasyon sa mga ebidensya ug testimonya sa House prosecution ug ang tubag sa depensa aron matino sa impeachment court ang mga isyung may kalabutan sa paggamit sa confidential funds sa OVP.
