Nakigpulong ang Post-Disaster Needs Assessment (PDNA) Team 2 sa mga opisyal sa Barangay Pangyan, Glan, Sarangani Province niadtong Hulyo 31, 2026 aron susihon ang epekto sa Magnitude 7.8 nga linog sa offshore Sarangani.
Human sa pakigpulong, mibisita ang team sa mga evacuation center aron interbyuhon ang mga pamilya nga naapektuhan sa linog. Ang Barangay Pangyan usa sa mga lugar nga nakasinati og co-seismic coastal uplift o pag-alsa sa bahin sa baybayon tungod sa paglihok sa yuta atol sa linog.
Gibanabana nga miabot sa halos 200 metros ang pagpalapad sa baybayon human sa maong panghitabo.
Tungod niini, naapektuhan ang yamang-dagat sama sa coral reefs ug uban pang marine habitats, nga nakaapekto usab sa panginabuhian sa mga mangingisda ug komunidad nga nagsalig sa pangisda.
