Magkita pag-usab sa court ang Pinay tennis star nga si Alex Eala ug World No. 10 nga si Elina Svitolina sa Ukraine alang sa usa ka pwesto sa semifinals sa 2026 Mubadala DC Open sa Estados Unidos karong Agosto 1, 2026.
Kini ang ikaduhang higayon nga mag-atbang ang duha karong tuiga human gipildi ni Eala si Svitolina sa ilang unang engkwentro sa Berlin Open niadtong Hunyo.
Nakasulod si Eala sa quarterfinals human niya napildi ang defending champion nga si Leylah Fernandez sa Canada, 6-2, 7-6(1), diin nakahimo siya og impresibong comeback gikan sa 1-5 nga pagkabiya sa ikaduhang set.
Samtang, nakasulod usab si Svitolina sa maong hugna human niya napildi si Polina Kudermetova sa Uzbekistan, 7-6, 6-4.
Lahi kini nga hagit alang sa duha ka atleta tungod kay karon ipahigayon ang dula sa hardcourt, kumpara sa ilang unang panag-atbang nga gihimo sa grass court.
