Kontraktor sa Mabuhay Underpass, nangayo og pasaylo sa publiko tungod sa pagkalangan sa proyekto

Nangayo og pasaylo sa publiko si Vicente Lao, contractor sa Mabuhay Underpass Project, tungod sa dugay nga pagkompleto sa maong imprastraktura nga nakaapekto sa mga motorista sa syudad.

Gipaklaro ni Lao nga ang pagkalangay sa proyekto dili tungod sa kakulang sa aksyon, kundili gumikan sa mga teknikal nga problema nga giatubang atol sa konstruksyon.

Lakip niini ang mga kinahanglanon nga pag-usab sa disenyo aron masiguro ang kalig-on ug kaluwasan sa proyekto.

Matud ni Lao, karon nga nahuman na ang Mabuhay Underpass, mapuslan na kini sa mga motorista ug makatabang sa pagpaayo sa agi sa trapiko sa maong bahin sa General Santos City.

Gipasalig usab nga padayon nilang siguruhon ang kalidad ug kaluwasan sa proyekto aron mapuslan kini sa publiko.