Hulyo 31 target nga pag-abli sa Mabuhay Underpass

Pipila na lamang ka adlaw ang gihulat sa mga motorista aron hingpit na nga magamit ang Mabuhay Underpass sa General Santos City.

Padayon ang monitoring ug inspeksyon sa maong proyekto aron masuta kung andam na ba kini alang sa pormal nga pag-abli ug paggamit sa publiko karong Hulyo 31 ning tuiga, base sa gitakdang iskedyul sa mga awtoridad.

Gitan-aw sa mga responsable sa proyekto ang kahimtang sa underpass, lakip ang mga kinahanglanon sa kaluwasan ug kaandam sa pasilidad aron masiguro nga luwas ug hapsay ang pag-agi sa mga motorista.

Gilauman nga ang pag-abli sa Mabuhay Underpass makatabang sa pagpagaan sa trapiko sa maong bahin sa syudad ug makahatag og mas paspas nga biyahe alang sa mga molabay nga motorista.