Kapin sa 200,000 ka mga residente ang gipabakwit sa palibot sa Bordeaux sa habagatan-kasadpang bahin sa France tungod sa padayon nga pagkaylap sa dagkong wildfire nga naghulga sa mga komunidad sa maong lugar.
Sumala sa mga awtoridad, hapit 98,000 ka ektarya sa kalasangan ug kabukiran ang nalamoy sa kalayo, nga maoy hinungdan sa pagsira sa Bordeaux Airport ug sa pagpatuman sa daghang emergency evacuation.
Tungod sa kakusog sa sunog ug kalisod sa pagpugong niini, nangayo na ang gobyerno sa France og internasyonal nga tabang aron madugangan ang mga bumbero ug kagamitan nga gipadala sa apektadong mga lugar.
Padayon karon ang paningkamot sa liboan ka mga bombero aron mapugngan ang pagkatag sa kalayo, samtang gi-monitor usab sa mga awtoridad ang kahimtang sa mga residente nga napugos sa pagbiya sa ilang mga panimalay.
