Gihingusgan si Interior and Local Government Secretary Jonvic Remulla nga wala mohunong ang gobyerno sa pagpangita aron madakpan si Senator Ronald “Bato” Dela Rosa ug kanhi presidential spokesperson Harry Roque.
Matud ni Remulla, padayon ang operasyon sa kapulisan aron matun-an ang lokasyon sa senador, samtang adunay gihimong mga estratehiya ang mga awtoridad aron mapadali ang manhunt operations.
Ang pagpangita kang Dela Rosa may kalabotan sa warrant of arrest nga gipagawas sa International Criminal Court (ICC) may kalabutan sa imbestigasyon sa war on drugs atol sa administrasyon ni kanhi Pangulong Rodrigo Duterte.
Ang senador mao ang gipangita sa mga awtoridad human sa giingong pag-apil niini sa mga polisiya sa kampanya batok ilegal nga droga. Ulahing nakita si Dela Rosa niadtong Mayo 13 sa iyang pagtambong sa sesyon sa Senado, sa wala pa siya gikuha ni Senator Robin Padilla sayong kabuntagon kaniadtong Mayo 14.
