Nagpadayon sa iyang pagpangandam ang 7 anyos nga si Alejandro Valde III nga taga-General Santos City human niya masungkit ang kampeyonato sa Auckland Tennis Tournament sa New Zealand.
Sa pagkakaron, anaa si Alejandro sa Sparta Tennis Academy sa Auckland diin siya nagpadayon sa intensive training ubos sa usa sa mga iladong tennis training programs sa maong lugar.
Ang Sparta Tennis Academy usa ka competitive tennis program sa Auckland nga nagbansay sa mga junior players ug nakaproduce na og mga pambansang atleta.
Matod sa iyang kampo, padayon ang iyang pagpalambo sa iyang abilidad sa tennis aron mas maandam pa siya sa umaabot nga mga kompetisyon, ilabina sa international tournaments.
Si Alejandro nahimong sentro sa atensyon human niya mapildi ang 12 ka batang manlalaro gikan sa nagkadaiyang nasud ug nakadaog sa Auckland Tennis Tournament bisan pa nga mas magulang ang kadaghanan sa iyang mga kontra.
