Gitapos na sa Search and Retrieval Team ang operasyon sa pagpangita kang Baby Saviour Yaton human sa lima ka adlaw nga walay hunong nga pagpangita ug pag-imbestiga sa lugar nga naapektuhan sa landslide.
Sumala sa grupo, bisan pa sa ilang padayon nga paningkamot ug halapad nga pagkalot sa lugar nga gitabonan sa yuta, wala gihapon makit-i ang bata.
Pormal nang gitapos ang retrieval operation base sa desisyon sa mga miyembro sa Search and Retrieval Team human sa ilang assessment sa kahimtang sa lugar.
Gibutyag sa mga nagdumala sa operasyon nga gigamit ang tanang mahimo nga pamaagi sa pagpangita kang Baby Saviour, lakip ang pag-usisa sa mga debris ug apektadong bahin sa landslide area.
Nagpabilin usab ang pagpasalamat sa mga otoridad ngadto sa tanang rescue personnel, boluntaryo, ug mga indibidwal nga miapil sa lima ka adlaw nga operasyon.
