-- ADVERTISEMENT --
Nalubong sa yuta ang pipila ka residential buildings ug natanggong ang wala pa matino nga gidaghanon sa mga tawo human sa landslide sa dakbayan sa Chongqing sa habagatan-kasadpan sa China kagahapon Biyernes, Hulyo 17.
Sumala sa state media, walo ka tawo ang naluwas gikan sa mga debris samtang nagpadayon ang search and rescue operations. Nahitabo ang landslide pasado alas 9:08 sa buntag sa Pengshui County sa Chongqing.
Ang maong county nahimutang sa habagatan-sidlakang bahin sa Chongqing ug adunay utlanan sa mga probinsya sa Hubei ug Guizhou.
Sa pagkakaron, wala pa’y opisyal nga taho kung adunay mga namatay o nasamdan tungod sa maong trahedya.
