Gipasalig sa Bureau of Jail Management and Penology (BJMP) nga dili hatagan og espesyal nga trato si Senador Rodante Marcoleta samtang anaa sa ilang kustodiya.
Matud ni BJMP spokesperson Jsupt. Jayrex Bustinera, walay bisan kinsa nga person deprived of liberty (PDL) ang hatagan og VIP treatment ubos sa ilang pagdumala.
Gikumpirma usab sa BJMP nga gidawat na sa Quezon City Jail Male Dormitory si Marcoleta alas-10:49 sa buntag karong Miyerkules, Hulyo 15.
Ang pagbalhin sa senador ngadto sa QC jail gisunod ang mando sa Sandiganbayan human ipahibalo sa mga doktor sa UP-Philippine General Hospital nga wala nay rason aron ipadayon ang iyang hospital arrest.
Si Marcoleta, uban ang tulo pa niyang kauban nga akusado, nag-atubang og kasong plunder may kalabotan sa alegasyon nga wala maideklara ang P75 milyong campaign donations.
